حبيت اضيف لهذا القسم مع القصص والحكايات الادبيااااات

الا بغيت اوصف غرامك ما تكفيني الحـروف
ولا بغيت اوصف غلاتك خان باحساسي الكلام
حبي لك يانور عيني فاق بالحـب الوصـوف
حبي لك اكبر من اني اوصفه بشوق وغـرام
شفت لو مجنون ليلى يرجع وحبـي يشـوف
اشهد انه بيعترفلي حبـه مـن حبـي ظـلام
لو انـا بسابقـه بالحـب والله انـي اطـوف
هذا لـو انـه تحـدى ادري بيطلـب سـلام
لانه عارف ان حبي ماسكن في وسط جـوف
لا بشر لا جن قبلـي ولا بعـد مليـون عـام
لو روحي في هواك تروح ما جاني حسـوف
ولا يجيني احساس ان حبي على مثلك حـرام
طيفك اللي لا لفاني قلت يـا حـي الطيـوف
يا بعد ربعـي وخلانـي وبعـد كـل الأنـام
انت ساكن وسط قلبي والبشر كلهـم ضيـوف
انت في عيني وربي احلى مـن بـدر التمـام
احلف بخالق جبل..وادي..سهل..ويّا كهـوف
انـي والله كـل ماشفتـك عيونـي ماتـنـام
اسهر اتخيل عيونك وارتجف ماهـو بخـوف
ولا هو برد(ن) ياحبيبي رجفتي حـب وهيـام
واقضي كل الليل اناظر صوره وعيني تحوف
ليتك انت اللي بجنبي ماهي صوره والسـلام
تدري لو الناس كلهم وقفـوا ضـدي وقـوف
والله اني ماتركتـك يـوم ولـو زاد المـلام
جيت برتب غرامي وصفت اشواقي صفـوف
من كثرها يـا حبيبـي فينـي اختـل النظـام
روف في قلب(ن) يحبك يابعد خلانـي روف
تكفى لاتقسى على قلبـي انـا بعـدك حطـام
واعرف اني لو رحلت بيوم من سبة ظـروف
يعني برجع مثل ما يرجع الى البيـت الحمـام
في النهايه لي كلمـه وكلهـا اربـع حـروف
بـس والله انـه معانيهـا تعـدي اي كــلام
بقول احبك دام عندي انتهت كـل الوصـوف
مالقيـت الا احبـك شفتهـا احلـى خـتـام [/poem]

وسلامتكم جميعا
تحيااااااااااااتى

منقووووووووول

والله نقل رائع

مشكور على الرد

اتمنى يكون اعجبك
تحياتى